ربط متجر ايزي اوردرز (EasyOrders) بردلي
اربط متجرك على ايزي اوردرز (EasyOrders) بردلي وفريقنا بيعمل الربط بدالك: ردلي يأكد أوردرات الدفع عند الاستلام على واتساب، ويرد على «فين الأوردر؟» من متجرك.
لما تربط متجرك على ايزي اوردرز (EasyOrders) بردلي، المساعد بيبقى شايف متجرك زيك بالظبط: المنتجات، الأسعار، المخزون، والأوردرات. أول ما أوردر جديد يوصل، ردلي يأكده مع العميل على واتساب، ولو العميل سأل «فين الأوردر؟» على أي قناة، يرد عليه من متجرك على طول.
الربط كله على فريقنا
ربط ايزي اوردرز خدمة كاملة من فريقنا. بتكلّمنا، وإحنا بنجهّز الربط لمتجرك ونبعتلك لينك واحد، وكل اللي عليك إنك توافق عليه من لوحة تحكم EasyOrders.
ردلي بيعمل إيه بمتجرك على ايزي اوردرز
- بيعرف منتجاتك ومخزونك. المنتجات، الأسعار، المقاسات والألوان، والمتاح في المخزن من متجرك، فبيرد على أسئلة المنتجات ويرشّح للعميل اللي يناسبه.
- بيرد على «فين الأوردر؟». حالة الأوردر، المنتجات اللي فيه، الإجمالي، وبيانات التوصيل من متجرك مباشرة، ٢٤ ساعة، على واتساب وانستقرام وماسنجر وتليجرام وشات موقعك.
- بيأكد أوردرات الدفع عند الاستلام على واتساب قبل ما تشحن، ونتيجة التأكيد بتتسجّل على الأوردر في EasyOrders.
- بيعدّل أو يلغي الأوردر في الشات. عنوان جديد، مقاس تاني، منتج زيادة أو إلغاء: بعد ما العميل يأكد، التعديل بيتسجّل على الأوردر في متجرك.
- بيبعت تحديثات الأوردر على واتساب (اتأكد، اتشحن، اتسلّم) أول ما الحالة تتغير في EasyOrders.
- بيفكّر العميل بالسلة اللي سابها على واتساب ويرجّعه يكمّل الشراء.
- أوردرات المتجر قدامك جنب الشات في صندوق المحادثات، وفريقك يقدر يستلم أي محادثة في أي وقت.
- بيرد باللهجة المصرية في أي وقت من اليوم.
- خصوصية العميل محفوظة. كل عميل بيشوف أوردراته هو بس.
قبل ما تبدأ
- يفضّل تكون خلّصت تدريب ردلي عشان المساعد يبقى جاهز يرد.
- يفضّل تكون ربطت رقم واتساب، عشان تأكيد الأوردرات وتحديثاتها توصل لعملاءك.
- خلّي لينك متجرك على ايزي اوردرز جاهز، وادخل على لوحة تحكم EasyOrders بحساب صاحب المتجر.
الخطوات
كلّم فريقنا
ابعتلنا على support@roddely.com، أو كلّمنا على واتساب من الأيقونة اللي في آخر الصفحة، وقول لنا لينك متجرك على ايزي اوردرز. فريقنا بيرد عليك ويجهّز ربط متجرك بحسابك في ردلي.
وافق على لينك الربط من لوحة تحكم EasyOrders
فريقنا بيبعتلك لينك ربط معمول لمتجرك. افتحه وانت داخل على لوحة تحكم EasyOrders، ووافق على إن ردلي يوصل لمنتجاتك وأوردراتك. مش هتحتاج تنسخ أي مفاتيح ولا تلمس أي إعدادات.
ردلي يبدأ يشتغل على متجرك
بعد الموافقة، فريقنا بيتأكد إن ردلي شايف متجرك ويبلّغك. من القائمة افتح ردلي، وروح لقسم «قدرات ردلي»، وتحت «بعد البيع» شغّل حالة الأوردر وإلغاء أوردر. من اللحظة دي ردلي بيرد من متجرك على كل قنواتك.
إيه اللي بيتنقل من متجرك
- منتجاتك وأسعارها والمتاح منها في المخزن.
- أوردراتك، وكل أوردر جديد أو تغيير في حالته بيوصل لردلي لوحده، من غير ما تعمل حاجة.
- أي تأكيد أو تعديل أو إلغاء بيعمله العميل في الشات بيرجع يتسجّل على الأوردر في EasyOrders.
اتأكد إنه شغّال
من رقم تاني، ابعت لقناة من قنواتك رقم أوردر حقيقي من متجرك ومعاه رقم الموبايل اللي اتعمل بيه الأوردر، واسأل «فين الأوردر؟». ردلي هيرد بحالة الأوردر من متجرك.
الأسعار
ربط المتجر جزء من اشتراك ردلي. أول شهر مجاني ومن غير كارت، وبعده بتدفع اشتراك باقة المبتدئة الشهري. كل التفاصيل في صفحة الأسعار.
الخطوة اللي بعدها
- اعرف ردلي بيعمل إيه مع متجرك في صفحة ربط ايزي اوردرز بواتساب
- درّب ردلي على منتجاتك وسياساتك
- حدّد إمتى ردلي يحوّلك المحادثة
- متجرك على شوبيفاي؟ اربط متجر Shopify
- متجرك على ووكومرس؟ اربط متجر WooCommerce