تأكيد أوردرات الدفع عند الاستلام على واتساب قبل ما تشحن
أوردر الدفع عند الاستلام اللي بيتشحن من غير تأكيد ممكن يرجع مرفوض، وتدفع انت الشحن رايح جاي. ردلي بيبعت للعميل رسالة تأكيد على واتساب أول ما الأوردر يوصل متجرك، ويفهم رده بالمصري: يأكد، أو يغيّر المقاس والعنوان، أو يلغي. والرد بيتسجّل على الأوردر في متجرك على شوبيفاي (Shopify) أو ووكومرس (WooCommerce) أو ايزي اوردرز (EasyOrders) قبل ما يروح لشركة الشحن.
ابدأ مجانًايعني إيه تأكيد الطلبات على واتساب؟
تأكيد الطلبات على واتساب إنك تراجع كل أوردر دفع عند الاستلام مع العميل قبل ما يتشحن: المنتج والمقاس والسعر والعنوان. أغلب المتاجر بتعمله بمكالمة أو برسالة بيكتبها حد من الفريق بإيده، وده بياكل ساعات كل يوم.
مع ردلي التأكيد بيحصل لوحده: الرسالة بتتبعت على واتساب أول ما الأوردر يتسجّل، وردلي بيفهم رد العميل مهما كتبه، بالمصري أو بالفرانكو أو بفويس نوت، ويحدّث الأوردر في متجرك. وفريقك بيشوف بس الأوردرات اللي محتاجة حد منه.
شكل التأكيد على واتساب
محادثة واتساب توضيحية عن أوردر دفع عند الاستلام، مش بيانات عميل حقيقي.
ردلي: أهلاً 👋 شكراً إنك طلبت مننا. أوردر ١٤٨٢: ٢ تيشيرت قطن أبيض مقاس L، ٦٠٠ جنيه دفع عند الاستلام، على عنوانك في مدينة نصر. أأكده عشان يتشحن النهارده؟
العميل: أكّده، بس خلّي واحد منهم مقاس M
ردلي: تمام ✅ بقوا تيشيرت مقاس L وتيشيرت مقاس M، والسعر زي ما هو ٦٠٠ جنيه. أكّدت الأوردر وسجّلت التعديل في المتجر.
العميل: حلو. ممكن المندوب ييجي بعد الساعة ٥؟
ردلي: سجّلت ملاحظة على الأوردر للمندوب: التوصيل بعد الساعة ٥ ✅ وهتوصلك رسالة هنا أول ما الأوردر يتشحن 🌷
ليه المتاجر بتأكد أوردراتها على واتساب مع ردلي
مرتجعات أقل للدفع عند الاستلام
العميل اللي أكّد بنفسه على واتساب قبل الشحن غالبًا بيستلم، وده بيقلّل مرتجعات الدفع عند الاستلام. والأوردر اللي العميل لغاه بيتلغي قبل ما يخرج من المخزن، مش على باب البيت.
فلوس شحن متضيعش
كل شحنة بترجع بتدفع شحنها رايح جاي. التأكيد قبل الشحن بيخلّي المندوب يخرج بالأوردرات اللي هتتستلم بس.
العنوان والمقاس بيتصلّحوا قبل الشحن
لو العنوان ناقص أو العميل غيّر رأيه في المقاس أو اللون، التعديل بيحصل في نفس المحادثة، قبل ما الأوردر يتغلّف.
الرد بيتسجّل في متجرك
التأكيد والتعديل والإلغاء بيتسجّلوا على الأوردر في Shopify أو WooCommerce أو EasyOrders، ففريقك بيجهّز من المتجر على طول من غير ما ينقل حاجة بإيده.
بيفهم رد العميل بكلامه
«أيوه تمام»، «خليها بكرة»، «غيّر العنوان للشغل»، أو فويس نوت. ردلي بيفهم الرد زي ما العميل بيقوله، مش بس لو داس على زرار.
فريقك بيشوف اللي محتاجه بس
الأوردرات المتأكدة بتعدّي لوحدها، والعميل اللي عنده طلب خاص أو شكوى بيوصل لفريقك في نفس الإنبوكس مع باقي محادثات واتساب وانستقرام.
الأوردر بيتأكد كده
العميل بيطلب من متجرك
أوردر دفع عند الاستلام جديد بيتسجّل في متجرك على Shopify أو WooCommerce أو EasyOrders.
ردلي بيبعت التأكيد على واتساب
في ساعتها بتوصل العميل رسالة على واتساب فيها المنتجات والمقاس والسعر والعنوان، ومطلوب منه يأكد.
العميل بيرد بكلامه
يأكد، أو يعدّل، أو يلغي، أو يسأل. ردلي بيرد عليه ويخلّص معاه في نفس المحادثة.
الرد بيتسجّل على الأوردر
حالة الأوردر وأي تعديل بيتسجّلوا في متجرك، وفريقك بيشحن الأوردرات المتأكدة بس.
بيشتغل مع متجرك
تأكيد الطلبات بيشتغل على أوردرات متجرك على أي منصة من دول. اختار متجرك وشوف الربط بيتعمل ازاي.
- شات بوت شوبيفايشات بوت شوبيفاي بيرد من متجرك على كل قنواتك، وفريقنا بيربط Shopify معاك.
- شات بوت ووكومرساربط متجرك على WooCommerce بضغطة واحدة، وردلي يرد على أسئلة الأوردرات والمنتجات منه على واتساب وموقعك وكل قنواتك.
- ربط ايزي اوردرز بواتسابشات بوت ايزي اوردرز بيأكد أوردرات الدفع عند الاستلام على واتساب ويرد من متجرك، وفريقنا بيربط EasyOrders بدالك.
سعر تأكيد الطلبات على واتساب
تأكيد الأوردرات داخل في باقات ردلي، ورسايل واتساب داخلة في السعر. الباقات بتبدأ من 999 ج.م في الشهر، وفيها كمان الرد على عملاءك على كل قنواتك.
جرّب أول شهر مجانًا ومن غير كارت، وبعدها باقة المبتدئة بـ 999 ج.م في الشهر.
أسئلة عن تأكيد الطلبات على واتساب
خلّي كل أوردر يتأكد قبل ما يتشحن
اربط متجرك وواتساب النهارده، وردلي يبدأ يأكد أوردرات الدفع عند الاستلام مع عملاءك. أول شهر مجاني.
ابدأ مجانًا