# واتساب بيزنس

> شات بوت واتساب على رقم واتساب بيزنس بتاعك: بيرد باللهجة المصرية على مدار الساعة من منتجاتك وسياساتك، ويحوّل المحادثة لفريقك أول ما تحتاج.

ردلي بوت واتساب بالذكاء الاصطناعي لمتجرك. بيتربط برقم واتساب بيزنس بتاعك من خلال التسجيل الرسمي بتاع ميتا في دقايق ومن غير كود، ويرد على أسئلة السعر والمقاسات والتوصيل بالمصري ٢٤ ساعة من منتجاتك وسياساتك. ولما محادثة تحتاجك، بيسلّمها لفريقك. وأول شهر مجاني.

واتساب هو المكان اللي أغلب عملاءك المصريين بيسألوا فيه عن السعر والمقاسات والتوصيل، وبيستنوا رد في دقايق. ردلي بوت واتساب بالذكاء الاصطناعي، بيتربط برقم واتساب بيزنس بتاعك عن طريق التسجيل الرسمي بتاع ميتا، وبيرد على الرسايل دي باللهجة المصرية من المنتجات والسياسات اللي درّبته عليها، ويسيب لك المحادثة أول ما تحتاج تدخل بنفسك.

المتاجر اللي بتقفل الأوردر في الشات
العميل بيسأل عن السعر والتوصيل وبيطلب في نفس المحادثة. ولما تفعّل إنشاء الأوردر، ردلي بيرد ويسجّل الأوردر بالاسم والرقم والعنوان من غير ما تفتح الموبايل.

الرسايل اللي بتيجي بعد ما تقفل
رسايل كتير بتيجي بالليل وفي الإجازات. بدل ما العميل يستنى للصبح، بيلاقي رد في ثواني وسؤاله متجاوب معاه.

المحلات اللي منتجاتها وأسعارها بتتغير
درّب ردلي على ملف المنتجات أو لينك المتجر، وهو بيرد من آخر نسخة قراها. ولما الأسعار تتغير، اضغط «تحديث وإعادة قراءة» على المصدر من صفحة المعرفة عشان الرد يتحدّث.

ترد من موبايلك وردلي يعرف إنك دخلت
لو ربطت رقمك الحالي وكتبت لعميل من تطبيق WhatsApp Business على موبايلك، ردك بيظهر في محادثات ردلي، وردلي بيسكت في المحادثة دي ويسيبها «مع الفريق». فالعميل مش هيلاقي ردلي بيرد فوق كلامك.

تعرف كل رد اتبعت ولا وصل ولا اتقرا
جنب كل رد في صفحة المحادثات بتشوف هو اتبعت ولا وصل ولا العميل قراه، فتعرف على طول العميل شاف ردك ولا ما شافهوش.

العميل يبعت صورة المنتج وردلي يعرفه
شغّل «تعريف المنتجات بالصور» وضيف صور منتجاتك. لما العميل يبعت سكرين شوت أو صورة منتج، ردلي يلاقيه في منتجاتك ويرد عليه بالسعر والتفاصيل.

بيسمع الفويس نوت ويقرا الكلام اللي في الصور
عميلك بعت رسالة صوتية بدل ما يكتب؟ ردلي بيسمعها ويفهم هو عايز إيه، ويرد عليه كتابة على طول. ولو بعت صورة لوحدها من غير رسالة، وفيها كلام زي سكرين شوت أو إيصال، ردلي بيقراها.

بيرد باللهجة المصرية
رد بالمصري بشكل طبيعي، وبالإنجليزي لو العميل كتب إنجليزي.

بيرد من منتجاتك وسياساتك
الأسعار والمقاسات والتوصيل والاسترجاع، من اللي رفعته انت، مش من معلومات عامة.

بياخد الأوردر من الشات
بياخد من العميل اسمه ورقمه وعنوانه، ويأكد معاه الطلب، والأوردر يوصلك جاهز في صفحة الطلبات.

بيرد على «فين أوردري؟»
لما العميل يسأل أوردره فين، ردلي بيرد بحالة الأوردر والمنتجات اللي فيه وبيانات التوصيل من متجرك على شوبيفاي (Shopify) أو ووكومرس (WooCommerce) مباشرة، من غير ما تفتح الشات.

أتمتة بترد بصورة وفيديو وفويس
رحّب بكل عميل جديد، أو جاوب السؤال اللي بيتكرر حتى لو كل عميل سأله بطريقته، برسالة أو صورة أو فيديو أو فويس نوت متسجل. وبعد الرد انت اللي بتختار: ردلي يكمّل الكلام ولا المحادثة تروح لفريقك.

بيحوّلك المحادثة
لما الموضوع حساس أو محتاج حد من الفريق، بيسكت ويعلّم المحادثة ويكتب لك السبب.

بوت بالذكاء الاصطناعي ولا بوت أزرار وقوايم؟
أغلب بوتات الواتساب شغّالة بقايمة أرقام: اكتب ١ للأسعار و٢ للتوصيل. ردلي شات بوت واتساب بيفهم كلام العميل نفسه.

بوت الأزرار والقوايم
العميل لازم يختار من اختيارات انت كاتبها قبل كده. ولو سؤاله مش في القايمة، يفضل يلف في نفس الأزرار أو يقفل الشات ويروح لمحل تاني.

ردلي: بوت واتساب بيفهم بالمصري
العميل يكتب زي ما بيتكلم، «الجاكيت ده فيه أسود مقاس L؟»، أو يبعت فويس، وردلي يفهم ويرد من منتجاتك وأسعارك. مفيش قوايم يحفظها ولا أرقام يدوّر عليها، ولما تفعّل إنشاء الأوردر بياخد الطلب في نفس المحادثة.

نماذج رسائل رد تلقائي لواتساب بالمصري: /blog/whatsapp-auto-reply-messages

تلات خطوات وبوت الواتساب يبدأ يرد على عملاءك
مش محتاج تكتب سيناريو ولا تعمل قايمة اختيارات: البوت بيتعلم من متجرك نفسه.

البوت بيتعلم منتجاتك وأسعارك
ارفع ملف المنتجات أو حط لينك متجرك، وضيف سياسات الشحن والاسترجاع، وبوت الواتساب يجاوب منهم.

تشوف ردوده قبل ما عميل يشوفها
اسأله كأنك عميل، وظبّط معلوماته لحد ما كل رد يعجبك.

بوت الواتساب يشتغل على نفس رقمك
اربط رقم واتساب بيزنس اللي عملاءك عارفينه، فيلاقوا الرد ليل ونهار على نفس الشات اللي متعودين يكلموك فيه.

إزاي تربط واتساب API بمتجرك: /blog/connect-whatsapp-api

سعر واتساب API: /whatsapp-api

رد ثابت
قاعدة أتمتة بتكتبها انت: أول رسالة في المحادثة، أو كلمة معينة في كلام العميل. الرد بيطلع زي ما كتبته بالحرف، مفيش ذكاء اصطناعي في النص.

رد بالذكاء الاصطناعي
لما مفيش قاعدة بتنطبق، ردلي بيرد باللهجة المصرية من المنتجات والسياسات اللي درّبته عليها، مش من معلومات عامة.

تحويل لفريقك
لما الموضوع حساس أو محتاج حد من الفريق، بيسكت في المحادثة دي، ويعلّمها «محتاجة مراجعة»، ويكتب لك سبب التحويل قبل ما تفتحها.

مثال لمحادثة على واتساب بيزنس.

السلام عليكم، الجاكيت الجينز ده متوفر مقاس L؟

وعليكم السلام 🌸 أيوة متوفر L، سعره ٧٥٠ جنيه والتوصيل للقاهرة ٥٠ جنيه.

تمام، عايزة أطلبه. اسمي منى ورقمي ٠١٠٠٠٠٠٠٠٠٠، مدينة نصر.

اتسجّل يا فندم ✅ جاكيت جينز مقاس L، 800 جنيه بالتوصيل، دفع عند الاستلام. هنكلمك قبل الشحن.

## ينفع أشغّل بوت واتساب على رقمي الحالي ولا لازم رقم جديد؟

الاتنين ينفعوا. تقدر تربط رقم WhatsApp Business اللي شغّال عندك دلوقتي عن طريق التسجيل المدمج بتاع ميتا، أو تعمل رقم جديد مخصص للمتجر.

## لو شغّلت بوت الواتساب، هفضل أقدر أستخدم التطبيق على موبايلي؟

أيوة. لما تربط رقمك الحالي، بتفضل تستخدم تطبيق WhatsApp Business عادي على الموبايل، وردلي بيرد جنبك على نفس الرقم.

## لازم أعمل توثيق أعمال على ميتا؟

مش شرط عشان تبدأ. ميتا بتراجع الحساب لوحدها بعد الربط، والتوثيق بيبقى مطلوب منك بس لو ميتا حطت قيد صريح على الحساب وطلبته.

## إزاي أجهّز شات بوت واتساب لمتجري قبل ما أربط؟

درّب ردلي على منتجاتك وسياساتك الأول، وبعدين كلّمه من صفحة التجربة في لوحة التحكم كأنك عميل بيسأل على واتساب. أول ما الردود تعجبك، اربط رقمك.

/docs/connect/whatsapp