# تيليجرام

> بوت تليجرام جاهز تفعّله على حساب Telegram Business بتاعك من غير BotFather ولا توكن: رد باللهجة المصرية من منتجاتك وسياساتك، وتحويل المحادثة لفريقك.

ردلي بيدّي متجرك بوت تليجرام جاهز. بتفعّله من إعدادات Telegram Business في حسابك، من غير BotFather ولا توكن ولا كود، ويبدأ يرد على محادثات عملاءك بالمصري ٢٤ ساعة من منتجاتك وسياساتك. ولما محادثة تحتاجك، بيسلّمها لفريقك على طول. وأول شهر مجاني ومن غير كارت.

تليجرام بقى قناة بيع حقيقية لمتاجر كتير، خصوصًا اللي عندهم عملاء بيفضّلوه على واتساب. ردلي بيشتغل من خلال بوت تليجرام مشترك واحد، فمش محتاج تعمل بوت ولا تتعامل مع BotFather ولا توكن. بتفعّله من إعدادات Telegram Business في حسابك، وهو يبدأ يرد على محادثات عملاءك.

المتاجر اللي عملاءها على تيليجرام
لو جزء من عملاءك بيكلموك على تيليجرام، القناة دي بتخليهم يلاقوا نفس الرد اللي بيلاقوه على واتساب.

محادثات تيليجرام بعد مواعيد الشغل
رسايل الليل والإجازات على حسابك بتلاقي رد في ساعتها، وانت مش محتاج تفتح تيليجرام.

اللي بيقفلوا البيعة في شات تيليجرام
العميل بيسأل عن السعر والتوصيل وبيطلب في نفس الشات على تيليجرام. ولما تفعّل إنشاء الأوردر، ردلي بيرد ويسجّل الأوردر بالاسم والرقم والعنوان.

من غير BotFather ولا توكن
ردلي بيشتغل على حسابك انت على تيليجرام من خلال Telegram Business. مش هتعمل بوت ولا تنسخ توكن ولا تحتاج مبرمج.

الرد بيطلع من حسابك انت
عملاءك بيكلموا نفس الحساب اللي يعرفوه، والرد بيوصلهم في نفس الشات. مفيش بوت جديد يدوروا عليه ولا لينك جديد تنشره.

انت بتختار المحادثات اللي يرد فيها
من إعدادات Chatbots في Telegram Business بتحدد ردلي يرد على مين: كل المحادثات، أو المحادثات الجديدة بس، أو الكل ما عدا جهات اتصالك. وتقدر تغيّر ده في أي وقت.

بيرد باللهجة المصرية
رد بالمصري بشكل طبيعي، وبالإنجليزي لو العميل كتب إنجليزي.

بيرد من منتجاتك وسياساتك
الأسعار والمقاسات والتوصيل والاسترجاع، من اللي رفعته انت، مش من معلومات عامة.

بياخد الأوردر من الشات
بياخد من العميل اسمه ورقمه وعنوانه، ويأكد معاه الطلب، والأوردر يوصلك جاهز في صفحة الطلبات.

بيرد على «فين أوردري؟»
لما العميل يسأل أوردره فين، ردلي بيرد بحالة الأوردر والمنتجات اللي فيه وبيانات التوصيل من متجرك على شوبيفاي (Shopify) أو ووكومرس (WooCommerce) مباشرة، من غير ما تفتح الشات.

أتمتة بترد بصورة وفيديو وفويس
رحّب بكل عميل جديد، أو جاوب السؤال اللي بيتكرر حتى لو كل عميل سأله بطريقته، برسالة أو صورة أو فيديو أو فويس نوت متسجل. وبعد الرد انت اللي بتختار: ردلي يكمّل الكلام ولا المحادثة تروح لفريقك.

بيحوّلك المحادثة
لما الموضوع حساس أو محتاج حد من الفريق، بيسكت ويعلّم المحادثة ويكتب لك السبب.

رد ثابت
قاعدة أتمتة بتكتبها انت: أول رسالة في المحادثة، أو كلمة معينة في كلام العميل. الرد بيطلع زي ما كتبته بالحرف، مفيش ذكاء اصطناعي في النص.

رد بالذكاء الاصطناعي
لما مفيش قاعدة بتنطبق، ردلي بيرد باللهجة المصرية من المنتجات والسياسات اللي درّبته عليها، مش من معلومات عامة.

تحويل لفريقك
لما الموضوع حساس أو محتاج حد من الفريق، بيسكت في المحادثة دي، ويعلّمها «محتاجة مراجعة»، ويكتب لك سبب التحويل قبل ما تفتحها.

مثال لمحادثة على تيليجرام.

عندكم شحن لأسيوط؟

أهلًا بيك 👋 أيوة بنشحن لكل المحافظات، وأسيوط التوصيل ليها ٨٠ جنيه.

والدفع بيبقى إزاي؟

الدفع عند الاستلام. تحب أسجّلك الأوردر دلوقتي؟

## عشان أشغّل بوت تليجرام، لازم أعمل بوت على BotFather؟

لأ. ردلي بيستخدم بوت مشترك جاهز، فمش هتعمل بوت ولا تدخل توكن ولا تتعامل مع BotFather خالص.

## حسابي عادي مش بيزنس، ينفع أربط عليه بوت تليجرام؟

محتاج تفعّل Telegram Business على حسابك الأول. دي خاصية جوه تليجرام نفسه، وبعدها تقدر تفعّل ردلي من إعدادات الشات بوتس.

## أقدر أفصله؟

أيوة، بس بالترتيب ده: عطّل ردلي الأول من Telegram Business > Chatbots في تيليجرام، وبعدها افصله من صفحة القنوات عندنا. الفصل من عندنا بيترفض طول ما هو لسه مفعّل في تيليجرام.

## إزاي أجهّز بوت تليجرام لمتجري قبل ما أربط؟

درّب ردلي على منتجاتك وسياساتك الأول وجرّبه من صفحة التجربة. وفي نفس الوقت فعّل Telegram Business على حسابك، عشان الربط ياخد دقايق.

/docs/connect/telegram