# ربط ماسنجر

> خطوات ربط صفحة فيسبوك بردلي عشان يرد على رسايل ماسنجر: اختار الصفحة، وافق على الصلاحيات المطلوبة، اتأكد إن الربط شغّال، وحل أشهر مشاكل الربط.

لما تربط ماسنجر، ردلي بيبقى يقدر يقرا رسايل صفحة الفيسبوك بتاعتك ويرد عليها.

## قبل ما تبدأ [#قبل-ما-تبدأ]

* لازم يكون عندك **صفحة فيسبوك** للمتجر (مش بروفايل شخصي).
* لازم تكون **أدمن** على الصفحة دي.
* يُفضّل تكون خلّصت [تدريب ردلي](/docs/train) الأول.

## الخطوات [#الخطوات]

<Steps>
  <Step>
    ### افتح صفحة القنوات [#افتح-صفحة-القنوات]

    من لوحة التحكم، افتح **القنوات**، وهتلاقي كارت ماسنجر تحت «قنوات المراسلة».
  </Step>

  <Step>
    ### دوس «ربط» [#دوس-ربط]

    هتفتح نافذة تسجيل دخول من فيسبوك. لو المتصفح بتاعك بيمنع النوافذ المنبثقة، اسمحله بيها للموقع ده وجرّب تاني.
  </Step>

  <Step>
    ### اختار الصفحة [#اختار-الصفحة]

    فيسبوك هيعرض عليك الصفحات اللي انت أدمن عليها. **اختار صفحة المتجر بس**: مش لازم تدي وصول لكل صفحاتك.
  </Step>

  <Step>
    ### وافق على الصلاحيات [#وافق-على-الصلاحيات]

    | الصلاحية                          | بتستخدم في إيه                                       |
    | --------------------------------- | ---------------------------------------------------- |
    | مراسلة الصفحة                     | قراءة رسايل الصفحة والرد عليها                       |
    | إدارة إعدادات الصفحة              | تفعيل استقبال الرسايل والتعليقات الجديدة تلقائيًا    |
    | عرض قائمة الصفحات                 | معرفة الصفحات اللي تقدر تختار منها                   |
    | قراءة محتوى الصفحة                | قراءة بوستات الصفحة، زي كابشن البوست وصورته          |
    | قراءة اللي الناس بتنشره على صفحتك | قراءة التعليقات اللي الناس بتسيبها على بوستات الصفحة |
    | إدارة التعليقات على صفحتك         | الرد على التعليقات باسم الصفحة                       |

    ردلي مش بيطلب صلاحية نشر بوستات على صفحتك.
  </Step>

  <Step>
    ### اتأكد إن الكارت بقى «متصل» [#اتأكد-إن-الكارت-بقى-متصل]

    بعد الموافقة هترجع للوحة التحكم والكارت هيبقى متصل ومكتوب عليه اسم الصفحة.
  </Step>
</Steps>

## اتأكد إنه شغّال [#اتأكد-إنه-شغّال]

افتح صفحتك على فيسبوك من حساب تاني ودوس «إرسال رسالة»، وابعت سؤال بسيط زي «بتشحنوا فين؟».

## مشاكل شائعة [#مشاكل-شائعة]

<Accordions>
  <Accordion title="النافذة اتقفلت من غير ما أخلّص">
    مفيش حاجة اتحفظت. دوس «ربط» تاني وابدأ من الأول.
  </Accordion>

  <Accordion title="مش لاقي صفحتي في القايمة">
    غالبًا انت مش أدمن على الصفحة، أو داخل بحساب فيسبوك تاني. اتأكد من دورك في إعدادات الصفحة على
    فيسبوك، وإنك داخل بالحساب الصح في نفس المتصفح.
  </Accordion>

  <Accordion title="الكارت بيقول «محتاجة صلاحية»">
    الجلسة مع ميتا انتهت. دوس «اضبط دلوقتي» على الكارت، مفيش أي حاجة في إعداداتك بتتغير.
  </Accordion>

  <Accordion title="مفيش رد على الرسايل">
    اتأكد إن حالة الكارت «متصل»، وإن آخر رسالة من العميل بقالها **أقل من ٢٤ ساعة**، بعد كده ميتا بتقفل نافذة الرد لحد ما العميل يبعت من جديد.

    وشوف كمان [دليل التحويل والتدخّل](/docs/handoff): لو حد من فريقك عمل «استلم المحادثة» على المحادثة دي، ردلي بيسكت فيها عن قصد.
  </Accordion>
</Accordions>

## الخطوة اللي بعدها [#الخطوة-اللي-بعدها]

* [حدّد إمتى ردلي يحوّلك المحادثة](/docs/handoff)
* [اربط انستقرام](/docs/connect/instagram) · [اربط واتساب](/docs/connect/whatsapp)