# ربط انستقرام

> خطوات ربط حساب انستقرام البيزنس بردلي عشان يرد على الرسايل الخاصة: الصلاحيات اللي ميتا بتطلبها وليه، إزاي تتأكد إن الربط شغّال، وحل أشهر المشاكل.

لما تربط انستقرام، ردلي بيبقى يقدر يقرا الرسايل الخاصة اللي بتيجي لحسابك ويرد عليها.

<Callout title="الرسايل والستوري">
  الربط بيشتغل على الـDMs، ومعاها ردود العملاء على الستوري والمنشن في الستوري، لأنها بتوصلك رسايل
  خاصة.
</Callout>

## قبل ما تبدأ [#قبل-ما-تبدأ]

* حسابك على انستقرام لازم يكون &#x2A;*حساب أعمال (Business)** أو &#x2A;*حساب منشئ محتوى (Creator)**. الحساب الشخصي مش هينفع.
* لازم تكون داخل بحسابك على انستقرام في نفس المتصفح.
* يُفضّل تكون خلّصت [تدريب ردلي](/docs/train) الأول، عشان ما يبدأش يرد على عملاء وهو مش عارف منتجاتك.

## الخطوات [#الخطوات]

<Steps>
  <Step>
    ### افتح صفحة القنوات [#افتح-صفحة-القنوات]

    من لوحة التحكم، افتح **القنوات**. هتلاقي كارت انستقرام تحت «قنوات المراسلة».
  </Step>

  <Step>
    ### دوس «ربط» [#دوس-ربط]

    هتتنقل لصفحة انستقرام عشان تسجّل دخول وتوافق على الصلاحيات. ده بيحصل في نفس التاب مش في نافذة منفصلة، فمتقفلش المتصفح في النص.
  </Step>

  <Step>
    ### وافق على الصلاحيات [#وافق-على-الصلاحيات]

    انستقرام هيطلب منك:

    | الصلاحية                  | بتستخدم في إيه                                |
    | ------------------------- | --------------------------------------------- |
    | المعلومات الأساسية للحساب | معرفة اسم الحساب والـID عشان نربط الرسايل بيه |
    | إدارة الرسايل             | قراءة الرسايل الجديدة والرد عليها             |
    | إدارة التعليقات           | قراءة التعليقات على بوستاتك والرد عليها       |

    ردلي مش بيطلب صلاحية نشر بوستات ولا الوصول للمتابعين.
  </Step>

  <Step>
    ### هتترجع لردلي لوحدك [#هتترجع-لردلي-لوحدك]

    بعد الموافقة، هترجع للوحة التحكم وكارت انستقرام هيبقى **متصل**.
  </Step>
</Steps>

## اتأكد إنه شغّال [#اتأكد-إنه-شغّال]

من موبايل تاني (أو اطلب من حد)، ابعت رسالة على حسابك على انستقرام واستنى الرد.

لو مجاش رد، شوف الأسباب تحت.

## مشاكل شائعة [#مشاكل-شائعة]

<Accordions>
  <Accordion title="الكارت بيقول «محتاجة صلاحية»">
    معناها إن الجلسة مع ميتا انتهت أو اتلغت صلاحية. ده بيحصل عادي كل فترة: التوكن بينتهي بعد حوالي شهرين.

    **الحل:** دوس «اضبط دلوقتي» على نفس الكارت. مفيش حاجة بتتغير في حسابك ولا في معلومات ردلي.
  </Accordion>

  <Accordion title="مفيش رد على الرسايل">
    اتأكد من التلاتة دول بالترتيب:

    1. **إعداد الرسايل في انستقرام:** من تطبيق انستقرام → الإعدادات → الخصوصية → الرسايل، وفعّل السماح بوصول أدوات تانية للرسايل.
    2. **حالة الكارت** في صفحة القنوات لازم تكون «متصل».
    3. **نافذة الـ٢٤ ساعة:** لو آخر رسالة من العميل بقالها أكتر من ٢٤ ساعة، ميتا مش بتسمح بالرد. لازم العميل يبعت من جديد.
  </Accordion>

  <Accordion title="بيقول إن الحساب مش مدعوم">
    الحساب على الأغلب لسه شخصي. حوّله لحساب أعمال من تطبيق انستقرام (الإعدادات → نوع الحساب) وجرّب
    تاني.
  </Accordion>

  <Accordion title="عايز أفصل الربط">
    من كارت انستقرام دوس «فصل القناة». ردلي هيبطّل يرد على عملاءك على القناة دي لحد ما تربطها تاني. الرسايل القديمة بتفضل موجودة عندك.
  </Accordion>
</Accordions>

## الخطوة اللي بعدها [#الخطوة-اللي-بعدها]

* [حدّد إمتى ردلي يحوّلك المحادثة](/docs/handoff)
* [اربط ماسنجر كمان](/docs/connect/messenger)
* ولو عايز تعرف إزاي ترد على رسايل الانستقرام بشكل أعم: [دليل شات بوت انستقرام للمتاجر](/blog/instagram-chatbot-for-stores)