# ابدأ مع ردلي

> دليل البداية مع ردلي: إيه اللي المساعد بيعمله وإزاي بيبعت الرسايل، والأربع خطوات من ربط قنواتك لحد ما يرد على عملاءك باللهجة المصرية على مدار الساعة.

ردلي مساعد خدمة عملاء بالذكاء الاصطناعي للمتاجر المصرية. بتربطه بقنواتك (واتساب وانستقرام وماسنجر وتليجرام بيزنس) وبيتعلم منتجاتك وسياساتك، وبيرد على عملاءك **باللهجة المصرية** على مدار الساعة، وبيحوّلك المحادثة أول ما تحتاج تدخل بنفسك.

## الطريق من الصفر لمساعد شغّال [#الطريق-من-الصفر-لمساعد-شغّال]

<Cards>
  <Card title="١. درّبه على متجرك" href="/docs/train" description="لينك متجرك، ملفاتك، منتجاتك، وسياساتك. ده الأساس." />

  <Card title="٢. اربط قناة" href="/docs/connect/instagram" description="انستقرام أو ماسنجر أو واتساب أو تليجرام بيزنس." />

  <Card title="٣. جرّبه قبل ما تشغّله" description="من صفحة التجربة في لوحة التحكم، اسأله زي ما عميل هيسأل." />

  <Card title="٤. حدّد إمتى يحوّلك" href="/docs/handoff" description="الحالات اللي لازم توصلك انت بنفسك." />
</Cards>

## اربط متجرك الأونلاين [#اربط-متجرك-الأونلاين]

لو بتبيع على شوبيفاي أو ووكومرس أو ايزي اوردرز، اربط متجرك وردلي هيرد على «فين الأوردر؟» من أوردراتك الحقيقية، ويعرف منتجاتك وأسعارك.

<Cards>
  <Card title="متجر شوبيفاي (Shopify)" href="/docs/connect/shopify" description="ابعت الطلب من صفحة القنوات، وفريقنا بيربط المتجر معاك." />

  <Card title="متجر ووكومرس (WooCommerce)" href="/docs/connect/woocommerce" description="ضغطة واحدة من لوحة تحكم ووردبريس، أو الصق مفاتيح الـ API." />

  <Card title="متجر ايزي اوردرز (EasyOrders)" href="/docs/connect/easyorders" description="فريقنا بيجهّز الربط، وانت توافق عليه بلينك واحد من لوحة تحكم EasyOrders." />
</Cards>

<Callout title="ابدأ بالتدريب قبل الربط">
  المساعد بيرد بالمعلومات اللي إديتهاله بس. لو ربطت قناة قبل ما تدخّل منتجاتك وسياساتك، هيبدأ يرد
  على عملاء حقيقيين وهو مش عارف حاجة عن متجرك.
</Callout>

## اللي ردلي بيعمله [#اللي-ردلي-بيعمله]

* **بيرد على الرسايل الخاصة** على واتساب وانستقرام وماسنجر وتليجرام بيزنس، وعلى ويدجت الشات في موقعك.
* **بيفهم المصري والفرانكو.** «3ayez akansel el order» زي «عايز اكنسل الاوردر».
* **بيسمع الفويس نوتس** ويرد عليها بنص.
* **بيقرا الصور** ويستخرج منها النص، وده مفيد لما العميل يبعت صورة منتج بدل اسمه.
* **بيبدّل اللغة لوحده** حسب لغة العميل.
* **بيسجّل أوردرات**، بيرد على «فين أوردري؟»، وبيلغي أوردر لسه ما اتسلّمش، لما تفعّل القدرات دي من صفحة القدرات.
* **بيبعت لينك انستاباي بتاعك** للعميل اللي عايز يدفع أونلاين.
* **بيحوّلك المحادثة** أول ما تحتاج قرار منك.

## إزاي ردلي بيبعت الرسايل [#إزاي-ردلي-بيبعت-الرسايل]

* على قنوات ميتا، الرد الحر بيكون جوه **نافذة ٢٤ ساعة** من آخر رسالة من العميل. دي قاعدة ميتا نفسها مش إعداد في ردلي.
* الرسايل اللي بتفتح محادثة جديدة على واتساب، زي تحديثات الأوردر وتذكير السلة لمتاجر شوبيفاي (Shopify) وووكومرس (WooCommerce)، بتتبعت **بقوالب معتمدة من ميتا**، وفريقنا بيجهّزها معاك.

## محتاج مساعدة؟ [#محتاج-مساعدة]

ابعتلنا على <ContactEmail /> وإحنا نساعدك.