# الجديد في ردلي: كل المميزات اللي نزلت شهر بشهر

> كل اللي نزل جديد في ردلي شهر بشهر: قنوات وربط متاجر وردود أذكى وأتمتة وأمان، عشان تعرف ردلي بيعمل إيه لمتجرك النهارده.

ردلي بيتطور كل شهر. هنا كل ميزة نزلت وشغّالة لمتجرك دلوقتي، من الأحدث للأقدم.

آخر تحديث: ١٥ أكتوبر ٢٠٢٦

## أكتوبر ٢٠٢٦
- ردلي بقى مربوط بـ Shopify وWooCommerce: اربط متجرك وردلي يرد من أوردراتك الحقيقية، ويقول لكل عميل أوردره وصل لفين بالظبط.
- الرد التلقائي على الكومنتات لكل المتاجر: ردلي بيرد على كومنتات بوستاتك على فيس بوك وانستقرام، علنًا أو في الخاص، ويكمّل البيع مع العميل في الرسايل.
- ردود بتقفل الأوردر أسرع: لما العميل يسأل عن السعر، ردلي يقوله السعر ويطلب العنوان أو الرقم أو المقاس اللي ناقص في نفس الرسالة، ولو فيه منتجات شبه بعض بيعرضها عليه يختار منها.
- كل الباقات والأسعار في صفحة واحدة: صفحة أسعار واضحة فيها كل باقة وعدد الردود اللي فيها، ورسايل واتساب داخلة في سعر الباقة.

## سبتمبر ٢٠٢٦
- خلّي تطبيق واتساب بيزنس على موبايلك: اربط نفس رقم واتساب بيزنس اللي شغّال على موبايلك، وكمّل رد من التطبيق وقت ما تحب، وردلي يرد على الباقي.
- أكواد للمنتجات عشان تبيع من البوستات: حط كود على كل منتج في بوستاتك، والعميل يكتب الكود وردلي يعرف المنتج على طول ويرد بسعره.
- بيعرف المنتج من صورة العميل: العميل يبعت صورة أو سكرين شوت لمنتج، وردلي يطابقها مع منتجاتك ويرد بالسعر والتفاصيل.
- بيفهم الردود على الستوري في انستقرام: لما العميل يرد على ستوري متجرك بـ«بكام ده؟»، ردلي بيعرف الستوري كانت عن إيه ويرد على المنتج الصح.
- اقتراح منتجات في الوقت الصح: قول لردلي يقترح منتجات معينة في المواقف اللي إنت بتحددها، ويعرضها على العميل باسمها وسعرها.
- أتمتة أذكى: أتمتة بتشتغل لما العميل يكتب كلمة معينة، وتقدر تحوّل المحادثة لفريقك، أو تبعت بيانات العميل الجديد لأي أداة عندك من خلال webhook.
- ابعت صور وملفات وفويس نوت من الصندوق: رد على العميل من صندوق المحادثات بصورة أو ملف أو فويس نوت، وبيوصله على نفس القناة.
- إنت اللي بتحدد إمتى فريقك يستلم: اختار المواقف اللي ردلي يحوّل فيها المحادثة لفريقك، زي الاسترجاع أو طلبات الجملة، وفي الباقي يكمّل رد ويعلّملك على المحادثة.
- وضع ليلي وتصميم جديد: لوحة تحكم ردلي اتصممت من جديد، وبقى فيها وضع ليلي مريح للعين.

## أغسطس ٢٠٢٦
- سجّل وابدأ بنفسك: اعمل حسابك في دقايق من غير ما تستنى حد، واربط قنواتك ودرّب ردلي على منتجاتك على طول.
- تيليجرام بقى من القنوات: اربط حساب Telegram Business بتاعك، وردلي يرد على عملاءك هناك بنفس المعرفة وفي نفس الصندوق.
- رسالة ترحيب أوتوماتيك: ابعت لكل عميل جديد أول رسالة فيها صور أو فيديو، على القنوات اللي تختارها.
- علّم ردلي من موقعك: حط لينك موقعك وردلي يقرا صفحاته ويقترح عليك المعلومات اللي يتعلمها، وتقدر تضيف ملاحظات وقواعد بيع بنفسك.
- العميل بيعرف أوردره فين أول بأول: لما تأكد الأوردر أو يتسلّم أو يتلغي، ردلي يبعت للعميل رسالة على نفس القناة.
- شات موقعك على مزاجك: شغّل شات ردلي على موقعك أو اقفله وقت ما تحب، وغيّر شكله ولونه، وبيشتغل كمان على الدومينات العربي.
- صندوق محادثات أسرع: دوّر في المحادثات، وشوف اللي متقراش، واعرف من نظرة المحادثات اللي محتاجاك، والصور والفويس نوت بتفضل زي ما العميل بعتها.
- الدخول بخطوتين: احمي حسابك بالمصادقة الثنائية من تطبيق مصادقة، مع رموز استرداد لو موبايلك ضاع.